Fréttir

Í dag var haldinn íþróttadagur í Sandgerðisskóla. Nemendur byrjuðu á að fara í skipulagða leiki úti ásamt elstu deild leikskólans. Síðan var haldin hin árlega fótboltakeppni starfsfólks við nemendur í 10. bekk. Með fréttinni fylgja skemmtilegar myndir af deginum.

Krakkarnir í öðrum bekk héldu tombólu í dag þar sem nemendur og starfsmenn komu með dót að heiman sem var ekki lengur í notkun. Verkefnið tengist bók vikunnar sem heitir Stórhættulega stafrófið og fjallar um Fjólu sem gengur í hús og safnar dóti á tombólu.

Í dag mættu nemendur og starfsfólk í skólann klædd Íslandslitunum í tilefni landsleiksins í dag. Sveindís Jane okkar er að keppa með landsliðinu í dag og vildu nemendur og starfsmenn senda henni og liðinu risa stuðningskveðju! Áfram Ísland! A landslið kvenna mætir Lettlandi í undankeppni EM 2022 á Laugardalsvelli í dag, fimmtudag, og hefst leikurinn kl. 18:45. A landslið kvenna mætir Lettlandi í undankeppni EM 2022 á Laugardalsvelli í dag, fimmtudag, og hefst leikurinn kl. 18:45.

Í tilefni af Degi náttúrunnar sem er haldinn hátíðilegur 16. september ár hvert unnu nemendur í 1. bekk áhugaverð verkefni í tengslum við daginn. Margt var skoðað og rannsakað og voru nemendur duglegir að nýta sér þann efnivið sem í boði var.

Fyrstu dagarnir okkar fóru í að kynnast kennslustofunni og að læra að vera saman í bekk. Einnig fórum við í vettvangsferð út í móa og tíndum ber. Sjá skemmtilegar myndir með fréttinni.

Nemendur í 7. bekk báru út til bæjarbúa beiðni um styrk sl. mánudag í góðu veðri. Þeir eru að safna fyrir ferð bekkjarins á Skólabúðirnar að Reykjum í Hrútafirði sem verður í febrúar á næsta ári. Nemendur ætla að þreyta námsmaraþon næstkomandi þriðjudag, 22. september í 12 klst. Við óskum eftir stuðningi ykkar kæru íbúar Suðurnesjabæjar. Kt:671088-5229, Rn: 0147-05-410302 Með fyrirfram þökk nemendur 7. bekkjar Sandgerðisskóla.

Þriðjudaginn 8. september var alþjóðlegur Dagur læsis og Sandgerðisskóli hélt upp á daginn með ýmsum hætti. Rætt var um mikilvægi læsis og áhersla lögð á fjölbreyttar leiðir í vinnu með læsi. Nemendur hlustuðu meðal annars á kennara lesa sínar uppáhalds bækur, sökktu sér sjálfir í yndislestur eða lásu bækur og prufuðu að semja sögur í sama stíl.

Verkval í heimilisfræði á miðstigi fer vel af stað þetta skólaárið og er kennt tvisvar sinnum í viku, á þriðjudögum og fimmtudögum. Þriðjudagshópurinn útbýr matreiðslumyndbönd í bakstri eða eldun allt eftir áhugasviði hvers nemenda og samþykki kennarans en þeir fá að vera með í vali á hugmyndum af uppskriftum. Og fimmtudagshópurinn fylgir eftir uppskriftum frá kennara og bakar ýmsilegt hollt og gott. Nemendur eru einnig að læra að nota önnur hráefni í stað hvítan sykurs í bakstri t.d. ávexti.

Umferðarvefurinn er fræðsluvefur um umferðarmál fyrir nemendur í grunnskólum, kennara og foreldra. Af gefnu tilefni bendum við á að ný umferðarlög nr. 77/2019 tóku gildi þann 1. janúar 2020.

Hér má finna ýmsar praktískar upplýsingar er varðar starfsumhverfi grunnskóla í tengslum við kórónuveiruna, þegar spurningar vakna varðandi hin ýmsu mál er tengjast áhrifum veirunnar beint eða óbeint. Aðstæður hérlendis breytast hratt þessa dagana og ljóst að áhrif kórónuveirunnar / COVID-19 eru gríðarleg á allt samfélagið.