Fréttir

Nemendur í Myndmennt (Sjónlist) hafa heldur betur verið dugleg við að skapa og gera ýmsa flotta hluti í upphafi skólaársins. Hér má sjá nokkrar skemmtilegar myndir af starfinu okkar það sem af er hausti.

Nemendur 4. bekkjar þreyttu samræmd próf í vikunni og í tilefni af því var ákveðið að hafa kósýdag í dag. Nemendur mættu í náttfötum og eða kósýgöllum og fengu skúffuköku í nestistíma.

Á dögunum vann 3. bekkur skemmtilegt verkefni tengt Herra og Ungfrú bókunum. Börnin lásu bækur og skoðuðu uppbyggingu og einkenni bókanna.

Nemendur í prjónavali á unglingastigi ákváðu að hittast að kvöldi til í skólanum í kósý stemningu, spjall og auðvitað prjóna saman. Frábær gæðakvöldstund.

Nemendur í Sápu- baðsalts – og baðbombuvalinu hafa verið áhugasamir og duglegir að útbúa fjöldann allan af flottum sápum og baðbombum. Virkilega skemmtilegt val.

Námsmaraþon er hafið hjá 7. bekk og eru nemendur spenntir fyrir deginum. Það er enn hægt að heita á þessa flottu nemendur. Kt:671088-5229, Rn: 0147-05-410302 Með fyrirfram þökk nemendur 7. bekkjar Sandgerðisskóla.

SAMAN hópurinn minnir á að 1. september breyttist útivistartími barna og unglinga. Verulegur árangur hefur náðst síðustu ár í að draga úr áhættuhegðun barna og unglinga og má ekki síst rekja það til þess að foreldrar hafa staðið saman og virt útivistarreglurnar. Við vonum að það verði þannig áfram.

Starfið hefur farið vel af stað hjá okkur hér í Sandgerðisskóla . Í ljósi ástandsins í samfélaginu er aðalverkefni okkar að halda uppi daglegu skólastarfi fyrir nemendur frá morgni og fram eftir degi. Við sem vinnum hér í skólanum förum í einu og öllu eftir tilmælum almannavarna sem gilda fyrir grunnskóla og leggjum þannig okkar af mörkum til að láta þetta ganga sem best. Engu að síður getur allt gerst og við erum viðbúin því.

Í dag var haldinn íþróttadagur í Sandgerðisskóla. Nemendur byrjuðu á að fara í skipulagða leiki úti ásamt elstu deild leikskólans. Síðan var haldin hin árlega fótboltakeppni starfsfólks við nemendur í 10. bekk. Með fréttinni fylgja skemmtilegar myndir af deginum.

Krakkarnir í öðrum bekk héldu tombólu í dag þar sem nemendur og starfsmenn komu með dót að heiman sem var ekki lengur í notkun. Verkefnið tengist bók vikunnar sem heitir Stórhættulega stafrófið og fjallar um Fjólu sem gengur í hús og safnar dóti á tombólu.