Vettvangsferð í BLUE bílaleigu

Í seinustu viku fóru nemendur úr verkstæðisvali Sandgerðisskóla í heimsókn á verkstæði bílaleigunnar BLUE í Reykjanesbæ. Vel tekið á móti nemendum og fengu þeir m.a. að skoða bílaverkstæði, dekkjaverkstæði,sprautuverkstæði og rúðuverkstæði. Nemendur fengu að fylgjast með og leiðsögn í því hvernig olíuskipti á bílum fara fram, hvaða verkfæri eru notuð og hvað ber að hafa í huga varðandi öryggi á vinnusvæðum. Einnig fengu nemendur tækifæri á að fylgjast með því þegar skipt var um framrúðu á bíl. Heimsóknin var fræðandi, áhugaverð og gagnleg.

Við þökkum Blue bílaleigu kærlega fyrir að taka vel á móti nemendum skólans.