moya

Stekkjastaur

12. des
Stekkjarstaur kom fyrstur, stinnur eins og tré. Hann laumaðist í fjárhúsin og lék á bóndans fé. Hann vildi sjúga ærnar, —þá varð þeim ekki um sel, því greyið hafði staurfætur, —það gekk nú ekki vel.

Giljagaur

13. des
Giljagaur var annar, með gráa hausinn sinn. -Hann skreið ofan úr gili og skaust í fjósið inn. Hann faldi sig í básunum og froðunni stal, meðan fjósakonan átti við fjósamanninn tal.

Stúfur

14. des
Stúfur hét sá þriðji, stubburinn sá. Hann krækti sér í pönnu, þegar kostur var á. Hann hljóp með hana í burtu og hirti agnirnar, sem brunnu stundum fastar við barminn hér og þar.

Þvörusleikir

15. des
Sá fjórði, Þvörusleikir, var fjarskalega mjór. Og ósköp varð hann glaður, þegar eldabuskan fór. Þá þaut hann eins og elding og þvöruna greip, og hélt með báðum höndum, því hún var stundum sleip.

Pottaskefill

16. des
Sá fimmti Pottaskefill, var skrítið kuldastrá. -Þegar börnin fengu skófir hann barði dyrnar á. Þau ruku’upp, til að gá að hvort gestur væri á ferð. Þá flýtti’ ann sér að pottinum og fékk sér góðan verð.

🎅Jólagleði

16. des
Þriðjudagurinn 16. desember er uppbrotsdagur, sem er nýttur fyrir óhefðbundið skólastarf en upphaf og lok skóladags er hefðbundið. Hefðbundnir íþrótta- og sundtímar falla niður þennan dag.

Askasleikir

17. des
Sá sjötti Askasleikir, var alveg dæmalaus.- Hann fram undan rúmunum rak sinn ljóta haus. Þegar fólkið setti askana fyrir kött og hund, hann slunginn var að ná þeim og sleikja á ýmsa lund.

🎅Jólagleði

17. des
Miðvikudagurinn 17. desember er uppbrotsdagur, sem er nýttur fyrir óhefðbundið skólastarf en upphaf og lok skóladags er hefðbundið. Hefðbundnir íþrótta- og sundtímar falla niður þennan dag.

🎄Jólaskemmtun

18. des
Fimmtudaginn 18. desember - Jólaskemmtun Jólaskemmtun fyrir 1. – 6. bekk verður haldin á sal kl. 12:00. Nemendur mæta í skólann samkvæmt stundaskrá kl. 08:15 og lýkur skóladegi hjá þeim að sýningu lokinni eða um kl. 13:15 / Íþrótta- og sundtímar falla niður þennan dag. Foreldrar/forráðamenn hjartanlega velkomnir. Skólasel og Skýið opnar strax að lokinni jólaskemmtuninni á sal. 18. desember er seinasti dagur nemenda á Skólaseli og í Skýinu fyrir jólaleyfi. Starfssemin opnar aftur mánudaginn 5. janúar 2026. Nemendur í 7. bekk mæta kl 08:15 og lýkur skóladegi hjá þeim kl. 12:05. Nemendur í 8. – 10. bekk mæta kl 09:00 og lýkur skóladegi hjá þeim kl. 12:05. Íþrótta- og sundtímar falla niður þennan dag.

Hurðaskellir

18. des
Sjöundi var Hurðaskellir, -sá var nokkuð klúr, ef fólkið vildi í rökkrinu fá sér vænan dúr. Hann var ekki sérlega hnugginn yfir því, þó harkalega marraði hjörunum í.

🎁Litlu jólin

19. des
Föstudagurinn 19. desember – Litlu jólin Nemendur mæta prúðbúnir, með pakka (1.000kr), kerti og smákökur/mandarínur í sínar heimastofur kl.09:00. Skóladegi nemenda lýkur kl. 10:30

Skyrgámur

19. des
Skyrjarmur, sá áttundi, var skelfilegt naut. Hann hlemminn o’n af sánum með hnefanum braut. Svo hámaði hann í sig og yfir matnum gein, uns stóð hann á blístri og stundi og hrein.

Bjúgnakrækir

20. des
Níundi var Bjúgnakrækir, brögðóttur og snar. Hann hentist upp í rjáfrin og hnuplaði þar. Á eldhúsbita sat hann í sóti og reyk og át þar hangið bjúga, sem engan sveik.

Gluggagægir

21. des
Tíundi var Gluggagægir, grályndur mann, sem laumaðist á skjáinn og leit inn um hann. Ef eitthvað var þar inni álitlegt að sjá, hann oftast nær seinna í það reyndi að ná.

Gáttaþefur

22. des
Ellefti var Gáttaþefur -aldrei fékk sá kvef, og hafði þó svo hlálegt og heljarstórt nef. Hann ilm af laufabrauði upp á heiðar fann, og léttur, eins og reykur, á lyktina rann.

Jólaleyfi

22. des
Jólaleyfi hefst mánudaginn 22. desember. Nemendur mæta aftur að loknu jólaleyfi mánudaginn 5. janúar 2026, samkvæmt stundaskrá.

Ketkrókur

23. des
Ketkrókur, sá tólfti, kunni á ýmsu lag.- Hann þrammaði í sveitina á Þorláksmessudag. Hann krækti sér í tutlu, þegar kostur var á. En stundum reyndist stuttur stauturinn hans þá.

Kertasníkir

24. des
Þrettándi var Kertasníkir, -þá var tíðin köld, ef ekki kom hann síðastur á aðfangadagskvöld. Hann elti litlu börnin, sem brostu glöð og fín, og trítluðu um bæinn með tólgarkertin sín.