Ferð í Þekkingarsetrið - Samstarf grunn- og leikskóla

Samstarf grunn- og leikskóla, Brúum bilið, lauk þennan veturinn með ferð í Þekkingarsetur Suðurnesja. Þar áttu nemendur góðan tíma saman við að skoða safnið. Að lokinni heimsókninni gæddu allir sér á grilluðum pylsum,sem setti skemmtilegan punkt yfir daginn. Sjá fleiri myndir hér.

Brúum bilið er samstarfsverkefni Sandgerðisskóla og Leikskólans Grænuborgar. Í samstarfsverkefninu er leitast við að undirbúa nemendur elsta stigs leikskólans undir þær breytingar sem þeir ganga í gegnum er þeir flytjast á milli skólastiga.