Starfsfólk Sandgerðisskóla fékk viðurkenningu í Lífshlaupinu

Liðið Engar væntingar vann keppnina innan skólans

Starfsfólk Sandgerðisskóla fékk viðurkenningu fyrir að vera í þriðja sæti í fjölda mínútna í vinnustaðakeppninni í Lífshlaupinu í riðlinum 30 - 69 starfsmenn. Liðið Engar væntingar vann keppnina innan skólans og fékk  sérstaka viðurkenningu fyrir dugnað.

Innilega til hamingju, vel gert öll sem eitt.

Lífshlaupið er heilsu- og hvatningarverkefni Íþrótta- og Ólympíusambands Íslands sem höfðar til allra aldurshópa og eru landsmenn allir hvattir til þess að huga að sinni daglegu hreyfingu og auka hana eins og kostur er þ.e. í frítíma, vinnu, í skóla og við val á ferðamáta. Í ráðleggingum Embætti landlæknis um hreyfingu er börnum og unglingum ráðlagt að hreyfa sig í minnst 60 mínútur á dag og fullorðnum í minnst 30 mínútur á dag. Nánari upplýsingar um ráðleggingar um hreyfingu má finna á síðu Embætti landlæknis. Þín heilsa - Þín skemmtun