Mikill áhugi á Evolytes hjá nemendum Sandgerðisskóla

Sigurður Gunnar eða Siggi eins og hann er jafnan kallaður, heimsótti Sandgerðisskóla á dögunum og kynnti stærðfræðileikinn Evolytes fyrir nemendum í 3.–5. bekk.

Nemendur fengu að kynnast leiknum og þeim fjölbreyttu verkefnum sem þar er að finna. Mikill áhugi var meðal nemenda og tóku þeir virkan þátt í kynningunni.

Samfélagsverkefnið Andvari fjármagnar stafrænt leyfi að Evolytes fyrir tvo árganga að eigin vali í öllum grunnskólum landsins skólaárið 2026–2027. Þannig fá nemendur í 3. og 4. bekk aðgang að námsleiknum og upplýsingakerfi Evolytes án kostnaðar. Nemendur í 5. bekk taka jafnframt þátt í verkefni hjá Evolytes og munu því allir nemendur í 3.–5. bekk vinna með Evolytes í stærðfræðinámi sínu í vetur.

Markmiðið er að gera stærðfræðiþjálfunina fjölbreytta og skemmtilega og gefa nemendum tækifæri til að efla færni sína í gegnum leik.

Við þökkum Sigga kærlega fyrir skemmtilega og fróðlega kynningu og samfélagsverkefninu Andvara fyrir stuðninginn. Við hlökkum til að fylgjast með nemendum takast á við verkefnin í Evolytes í vetur. Smellið hér til að fara inn á heimasíðu Evolytes.