Fulltrúar skólans í Stóru upplestrarkeppninni

Fulltrúar Sandgerðisskóla

Undankeppni fyrir Stóru upplestrarkeppnina fór fram í skólanum í gær, fimmtudaginn 19. febrúar.

Nemendur í 7. bekk hófu æfingar og undirbúning eftir Dag íslenskrar tungu þann 16. nóvember síðastliðinn, og var þetta lokapunktur keppninnar innan skólans.

Allir keppendur stóðu sig virkilega vel, lögðu mikinn metnað í æfingar og því var keppnin afar hörð í ár.

Þrír fulltrúar munu nú hefja þjálfun fyrir lokakeppnina, sem haldin verður 10. mars nk. í Gerðaskóla.

Það voru þau Bergrún Embla Hlynsdóttir, Jónas Ingi Jónasson og Óðinn Þór Brynjarsson sem valin voru til að vera fulltrúar Sandgerðisskóla í keppninni þetta árið, og óskum við þeim innilega til hamingju með árangurinn og góðs gengis í lokakeppninni. 

Smellið hér til að sjá fleiri myndir frá hátíðinni.