Endurlífgun

Í síðustu viku fengu nemendur í 7. bekk í Sandgerðisskóla kennslu og þjálfun í endurlífgun frá Þórnýju skólahjúkrunarfræðingi HSS.

Árið 2018 ákvað Þróunarmiðstöð heilsugæslu á landsvísu að innleiða sambærilegt verklag hérlendis undir íslenska heitinu Börnin Bjarga. Haustið 2019 var þessu verkefni hleypt af stokkunum hér á landi og  kennsla í endurlífgun er því orðin hluti af skyldufræðslu skólahjúkrunarfræðinga um allt land. Allir  nemendur frá 6. til 10. bekkjar munu árlega fá þjálfun og kennslu í endurlífgun, með áherslu á hjartahnoð.  

Þetta er vissulega stórt skref og metnaðarfullt verkefni, en tilhugsunin um að einhvern tíma verði allir Íslendingar, 12 ára og eldri, búnir að fá kennslu í endurlífgun er býsna góð – og rúmlega það.

Smellið hér til að sjá fleiri myndir úr kennslustundinni.