Barnakóramót - Í skugga vængja þinna

Skólakór Sandgerðisskóla tók þátt í barnakóramóti sem haldið var í Hafnarfirði sl. sunnudag.  Barna- og unglingakórarnir höfðu æft fjölbreytta efnisskrá tónleikanna frá áramótum. Kórarnir komu saman á barnakóramótinu til að æfa sameiginlega, æfingunni lauk með barnakóratónleikum í Hafnarfjarðarkirkju.

Um 100 börn tóku þátt í tónleikunum ásamt hljómsveit, kórstjórum og tónlistarkonunni Hafdísi Huld. Yfirskrift tónleikanna var „Í skugga vængja þinna“, sem var einnig yfirskrift kirkjulistaviku prófastsdæmisins. Tónleikarnir tókust afar vel og voru fjölsóttir. Það eru forréttindi að fá að taka þátt í þessu sameiginlega verkefni og voru meðlimir Skólakórsins til fyrirmyndar, stóðu sig vel og voru sjálfum sér og Skólakórnum til sóma.

Smellið hér til sjá myndir frá kóramótinu.

Hér er hægt að horfa á upptöku frá tónleikunum.

Kórar sem tóku þátt voru:

• Himinn og jörð – Keflavíkurkirkja
  Regnbogaraddir – Keflavíkurkirkja
  Stjórnendur: Arnór B. Vilbergsson og Freydís Kneif Kolbeinsdóttir
• Barna- og unglingakór Hafnarfjarðarkirkju
  Stjórnendur: Guðný Alma Halldórsdóttir og Helga Sigríður Kolbeins
• Skólakór Sandgerðisskóla
  Stjórnandi: Sigurbjörg Hjálmarsdóttir og Elsa  Marta Ægisdóttir
• Barnakór Lágafellssóknar
  Stjórnendur: Valgerður Jónsdóttir og Sylvía Þórðardóttir
• Ungmennakór Víðistaðakirkju
  Stjórnendur: Sveinn Arnar Sæmundsson og Helga Sigríður Kolbeins