Árshátíð 1. - 6. bekkjar

Árshátíð yngri bekkja í Sandgerðisskóla verður í tvískipt í ár.

Árshátíð 3. - 6. bekkjar verður þriðjudaginn 3. mars og hefst kl.18:00 og ber heitið ,,Dýrabær". Handritið er byggt á sögu George Orwell - Animal farm, en handritshöfundur er Íris Valsdóttir og er leikritið söngleikur með íslenskum dægurlögum.
.    Áætlað er að sýningin sé um ein og hálf klukkustund með hléi, en sjoppa (með posa) verður á staðnum. Allir aðstandendur og íbúar eru velkomnir á sýninguna.
.    Skóladagur nemenda er hefðbundinn að öðru leyti og mæta þeir 8:15 á þriðjudaginn en leikritið er sýnt öllum nemendum skólans kl. 12:00 sama dag, þannig að góður sætafjöldi er á sýningunni kl. 18:00 fyrir ættingja, vini og aðra íbúa.

Árshátíð 1. og 2. bekkjar ásamt útskriftarhóp leikskólans er föstudaginn 6. mars kl. 12:00 og eru allir aðstandendur velkomnir á sýninguna. Áætlaður sýningartími er um 30 mínútur. Þema sýningarinnar er ,,Vinátta".
.    Skóladagur nemenda er hefðbundinn og lýkur eftir sýningu. Skólasel opnar einnig eftir sýningu fyrir þá nemendur sem eru skráðir þar.

Íþrótta- og sundtímar falla niður á árshátíðardegi nemenda, á þriðjudegi hjá 3. - 6. bekk og á föstudegi hjá 1. og 2. bekk

Hlökkum til að sjá ykkur!