Í vikunni fékk skólinn gjöf frá Styrktarfélagi barna með einhverfu. Nemendur og starfsfólk í Ásgarði opnuðu pakkann en þar eru nemendur með einhverfu og skyldar raskanir. Í pakkanum voru tvær kúlusessur og heyrnahlífar. Það var spenningur, tilhlökkum og að sjálfsögðu vildu allir opna pakkann. Eftir umræður um hvernig margir einstaklingar gætu opnað einn pakka saman voru allir sammála um að hver og einn fengu að skoða pakkann vel og opna eitt límband. Síðan fengu allir að prófa sessurnar og heyrnahlífarnar, mikil gleði og góð samvinna hjá frábærum nemendum. Við viljum þakka Styrktarfélaginu fyrir gjöfina sem mun að sjálfsögðu koma að góðum notum hjá okkar nemendum.

Smellið HÉR til að skoða fleiri myndir af okkur.