Hátíðarmatur 13. desember

Föstudaginn 13.desember verður boðið upp á hátíðarmáltíð í Sandgerðisskóla fyrir alla áskrifendur. Í ár er boðið upp á kalkúnabringur, steiktar kartöflur, rjómalagaða sósu og eplasalat ásamt mandarínu í eftirrétt. Þeir sem ekki eru í áskrift en óska eftir að taka þátt í hátíðarmáltíðinni geta keypt sérstaka matarmiða í mötuneyti skólans frá 4.- 11.desember milli kl.9-11. Miðinn kostar 600 kr.

Jólaskemmtun 19.desember

Jólaskemmtun hjá 1. – 6.bekk verður haldin fimmtudaginn 19.desember kl.12:00. Nemendur mæta í skólann samkvæmt stundaskrá kl.08:15 og lýkur skóladegi hjá þeim að sýningu lokinni eða um kl. 13:25.
Foreldrar/ forráðamenn og aðrir gestir hjartanlega velkomnir.

Nemendur í 7. bekk mæta kl.08:15 og lýkur skóladegi hjá þeim kl.12:00.

Nemendur í 8.- 10.bekk mæta kl.08:55 og lýkur skóladegi hjá þeim kl.12:00.

19.desember er seinasti dagur nemenda á Skólaseli fyrir jólaleyfi.
Skólasel opnar aftur mánudaginn 6.janúar 2020.

Litlu jólin 20.desember

Litlu jólin hjá 1.- 10.bekk verða haldin föstudaginn 20.desember.
Nemendur mæta prúðbúnir, með pakka, kerti og smákökur/mandarínur í sínar umsjónarstofur kl.10:00.
Dansað í kring um jólatréð kl.11:00.
Skóladegi lýkur kl.11:30.

Jólaleyfi

Jólaleyfi nemenda hefst mánudaginn 23. desember. Skólinn hefst aftur að loknu jólaleyfi mánudaginn 6. janúar 2020, samkvæmt stundaskrá.

Skóladagatal 2019-2020